TOShKENT, 22-iyul — Sputnik. Tojikiston prezidenti Emomali Rahmon respublika xavfsizlik kengashi majlisini o‘tkazdi, deb xabar qilmoqda Sputnik Tojikiston.
Majlisda Xavfsizlik kengashi a’zolari, Oliy sud raisi, harbiy tuzilmalar va huquqni muhofaza qilish organlari rahbarlari ishtirok etganlar.
Tojikiston va Afg‘oniston chegarasida vaziyat o‘tkir tus olgani majlisda muhokama qilingan mavzulardan biri bo‘lgan .
Tojikiston yetakchisi Afg‘oniston bilan chegaradosh Tog‘li-Badaxshon avtonom viloyatida holat murakkab tus olganidan tashvishdaligini ta’kidlagan.
Rahmon Xavfsizlik kengashi xodimlari, harbiy tuzilmalar va huquqni muhofaza qilish organlari rahbarlariga qo‘shni mamlakat bilan chegara qismida davlat va millat xavfsizligini ta’minlash bo‘yicha choralarni ko‘rish topshirig‘ini bergan.
Xususan, davlat chegarasida huquqbuzarliklar sodir etilishi, transmilliy jinoyatchilik, terrorizm, ekstremizm va narkotiklarning noqonuniy aylanmasini oldini olishga alohida e’tibor qaratishni talab qilgan.