TOShKENT, 16-iyul — Sputnik. AOKA huzuridagi shtabda sanitariya-epidemiologiya nazorati davlat inspeksiyasi boshlig‘i Nurmat Otabekov ishtirokida brifing o‘tkazildi.
Uning so‘zlariga ko‘ra, hozirgi kunda infeksionistlar, pediatrlar, reanimatologlar, pulmonologlar, rentgenologlar va boshqa mutaxasislar koronavirus kasalligiga chalingan bemorlarni davolash ishlariga jalb qilingan.
“Shu o‘rinda qisqa muddatli tayyorgarlikdan o‘tib, o‘z yo‘nalishlarini o‘zgartirib koronavirusni davolash ishlariga jalb qilinganlar ham bor. Shifokorlar ta’minotida tanqislik (bu faqat vaqtincha karantinda bo‘lish bilan bog‘liq) yuzaga kelmasligi uchun barcha imkoniyatlar ishga solinayapti”, - dedi u.
Mirziyoyev: koronavirusga qarshi kurash uchun bizda zaxira va imkoniyatlar mavjud
So‘nggi ma’lumotlarga ko‘ra, hozirda O‘zbekistonda 6060 nafar bemorga shifokorlar belgilangan standartlar bo‘yicha davo choralarini ko‘rmoqda. Ulardan 60 nafari og‘ir, 7 nafari esa o‘ta og‘ir ahvolda. Tasdiqlangan koronavirus holati 14787 taga yetgan. 8655 kishi shu kasallikdan shifo topdi.