TOShKENT, 30-iyun — Sputnik. Rio-2016 Olimpiadasining kumush medal sovrindori, professional boksda mag‘lubiyatsiz odimlayotgan o‘zbekistonlik bokschi Shahram G‘iyosov navbatdagi jangini 15-avgust kuni o‘tkazadi.
Jang AQShning Oklaxoma shtati Talsa shahrida bo‘lib o‘tadi. Shahram G‘iyosovga ushbu jangda meksikalik Fransisko Roxo raqiblik qiladi. Jang WBA International chempionlik kamari uchun kechadi.
Eslatib o‘tamiz, 2019-yilda Shahram G‘iyosov kolumbiyalik bokschi Darley Peresni 30 soniyada mag‘lub qilib, WBA xalqaro chempioni unvonini qo‘lga kiritgan edi.