TOShKENT, 25-iyun - Sputnik. NATO xalqaro maydonda Rossiyaning hatti-harakatlariga munosabatni ishlab chiqishi kerak, dedi Germaniya mudofaa vaziri Annegret Kramp-Karrenbauer.
U RFni qanday qabul qilish va unga nisbatan qanday munosabatda bo‘lish kerakligini "hal qiluvchi" masala deb atadi. Vazir bunday bayonotni video-aloqa orqali o‘tkazilgan Atlantic Council Amerika tahlil markazidagi munozara paytida berdi.
"Bu Yevropa va NATOda juda katta chaqiriqdir. Agar siz nemis bo‘lsangiz va Germaniyada yaxshi sharoitda do‘stlaringiz orasida yashashingiz, va, siz Rossiya bilan umumiy chegaraga ega bo‘la turib, Shimoliy Yevropa, Boltiqbo‘yi davlatlari, Sharqiy Yevropa davlatlari kabi Rossiya tomonidan qoidabuzarliklarni bilib turishingizda farq juda katta", - dedi Germaniya mudofaa vaziri, uning so‘zlaridan RIA Novosti iqtibos keltiradi.
"Sizning havo makoningiz buzilganini ko‘rishingiz bilan biz har kuni sizning dengiz hududlaringizda bo‘layotgan ishlarni ko‘rayotganimizda katta farq bor. Siz xakerlik hujumlari yoki dezinformatsion kampaniyalarga duch kelishingizda ham farq bor, masalan, Germaniya Bundestagi bir necha yil avval xakerlik hujumiga duch kelgan”, - deya qo‘shimcha qildi u.
Idora rahbari, shuningdek, Rossiyaga qanday munosabatda bo‘lish kerakligini tushunish uchun zarur bo‘lgan qadamlar haqida gapirdi.
"Umumiy strategik tushunishga erishish yo‘lidagi birinchi va eng muhim qadam - bu Rossiyadan kelib chiqadigan tahdidni tushunish bo‘yicha muvofiqlashtirilgan va kelishilgan g‘oyaga ega bo‘lishimizdir. Rossiya muhim sherik, muhim qo‘shni, u yerda odamlar ham ajoyib, ammo biz Rossiyaning tajovuzkor rahbariyatining o‘zini o‘zi himoya qiladigan siyosatiga duch kelmoqdamiz. Biz boshimizdan kechirayotgan narsa - bu Rossiya o‘z tarixiy ta’sir doirasini yana kuchaytirmoqchi bo‘lganida. Rossiya buni Ukrainaning sharqida, Qrimda amalga oshirdi, Rossiya boshqa davlatlarning o‘z taqdirini o‘zi belgilash huquqini hurmat qilmaydi”, - dedi Krump-Karrenbauer.
Uning so‘zlariga ko‘ra, Rossiya Yevropa va NATO o‘z harakatlarida kuchli va izchil ekanligini "aniq anglashi" kerak va “Rossiyadan keladigan tahdid” ustida ishlashga tayyor". Shu sababli, uni bostirib turish konsepsiyasi shu qadar dolzarbdir”, - dedi vazir.
Shu bilan birga, u Rossiyaning muzokaralar stoliga, xususan qurolsizlanish masalasiga, qaytishiga qarshi emasligini ta’kidladi.
Avvalroq Sputnik radiosi Bolton Trampning ittifoqdan chiqish istagi haqida gapirgan edi.