TOShKENT, 15-iyun — Sputnik. O‘zbekistonda so‘nggi soatlarda 23 ta yangi koronavirus holati aniqlandi. Shundan 11 tasi Toshkentda aholi orasida aniqlangan.
“2020 yil 15-iyun soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 5103 (+23) nafarni tashkil etmoqda”, - deyilgan Sog‘liqni saqlash vazirligi xabarida.
Yangi kasallanganlarning 8 nafari karantin markazidagi fuqarolar orasida, 11 nafari Toshkent shahrida aholi orasida, qolgan 4 nafari esa Toshkent viloyatida Rossiyadan chegara post orqali mamlakatga kirib kelgan xalqaro yuk tashuvchi avtomashina haydovchilarida aniqlandi.
Shu kunda qadarda 3943 nafar koronavirus infeksiyasiga chalingan fuqarolar (77 foiz) sog‘aygan.
Hozirda mamlakatda 1141 nafar bemor davolanmoqda. Ulardan 12 nafari og‘ir, 2 nafari esa o‘ta og‘ir ahvolda.