TOShKENT, 15-iyun — Sputnik. AOKA huzuridagi shtabda sanitariya-epidemiologiya nazorati davlat inspeksiyasi bosh inspektori Nurmat Otabekov ishtirokida brifing o‘tkazildi.
Unda mutaxassisdan nega avtobuslarga ruxsat berilgani, metroga esa berilmagani so‘raldi.
“Metrolardagi havoni doimiy yangilab turuvchi umumiy ventilyatsiya tizimi koronavirus infeksiyasi tarqalish xavfini oshiradi. Shu sababli metroga hozircha ruxsat yo‘q!”, - dedi Otabekov.
Avvalroq u markazlashgan umumiy konditsionerlar orqali virus havo orqali yuqishi mumkin degan fikrni bildirgan edi.
Eslatib o‘tamiz, O‘zbekistonda 8-iyundan boshlab “sariq” va “yashil” hududlarda, jumladan, Toshkent shahrida avtobuslar ishini qayta boshlagan edi.