TOShKENT, 8-iyun — Sputnik. Toshkentda 76 yoshli erkak koronavirusdan vafot etdi. Bu haqda Sog‘liqni saqlash vazirligi xabar berdi.
Poytaxning Uchtepa tumanida yashovchi X.da shu yilning 28-mayida koronavirus tasdiqlanib, Toshkent tibbiyot akademiyasi ko‘p tarmoqli klinikasiga yotqizilgan
Bundan avval ushbu bemor uzoq yillar davomida gepatit, yurak ishemik kasalligi, stenokardiya, surunkali yurak yetishmovchiligi kabi kasalliklar bilan davolanib kelgan.
31 may kuni bemorning ahvoli og‘irlashib, jonlantirish bo‘limiga o‘tkazilgan.
Biroq ko‘rsatilgan muolajalarga qaramasdan sun’iy nafas olish apparatida bo‘lgan bemor o‘tkir nafas va yurak qon-tomir yetishmovchiligidan vafot etgan.
Hozirda marhumning turmush o‘rtog‘i, farzandi va nabiralarida ham koronavirus tasdiqlangan.