TOShKENT, 29-may - Sputnik. O‘zbekiston Favqulodda vaziyatlar vazirligi sel kelishi xavfi haqida ogohlantirdi.
"2020-yilning 29-31- may kunlari respublikamiznig tog‘ va tog‘oldi hududlarida sel kelishi xavfi mavjud", - deyiladi xabarda.
Tog‘ va tog‘oldi hududlarida yashovchi aholidan ehtiyot choralarini ko‘rish, noxush holatlar yuzaga kelganda, FVVning “1050” raqam”iga murojaat qilish so‘ralgan.
29 may kuni O‘zbekistonda o‘zgaruvchan ob-havo kuzatiladi. Yog‘ingarchilik bo‘lmaydi.
Faqat Andijon, Namangan, Farg‘ona viloyatida kechga borib vaqti-vaqti bilan qisqa muddatli yomg‘ir yog‘ishi mumkin. Momaqaldiroq bo‘ladi.
Joylarda shamol tezligi 17-22 m/s kuchayadi. Havo harorati 34-39°, cho‘l zonalarida 40-42°.
Toshkentda o‘zgaruvchan ob-havo kuzatiladi, yog‘ingarchilik bo‘lmaydi.