TOShKENT, 28-may — Sputnik. Turkiya osmonida sirli tarzda miltillab ko‘ringan obyekt parvozi qayd etildi. Noma’lum jism kuchli portlash bilan parvozni yakunladi. Bu haqda Daily Sabah xabar qildi.
Payshanba kuni kechasi mahalliy aholi bu antiqa tabiiy hodisaning guvohi bo‘ldi. Birdaniga bir nechta hududda - Artvin, Erzurum, Sivas, Tunjeli, Trabzon, Erzinjan va Ardahanda yorug‘lik va kuchli portlash qayd etildi.
Olimlarning fikriga ko‘ra, ehtimol bu navbatdagi meteorit bo‘lgan.
Favqulodda vaziyatlarni boshqarish agentligi xodimlari atmosferada "yorug‘lik chaqnashi" haqidagi xabardan keyin tekshiruv boshladilar.