Toshkentda InkUZart taxallusi bilan ijod qilayotgan rassom graffitlari Chilonzor devorlarida paydo bo‘ldi.
Tungi rassomning asar namunalari avvalo bugungi kunda butun dunyoga xavf solayotgan koronavirus mavzusiga bag‘ishlangan.
Tibbiy niqob, farishta qanotli shifokor surati, niqob taqqan Mona Liza, kislorod niqobini ushlab turib, bemorlarga yordam berishga shay turgan shifokor aks etgan “Ko‘z” nomli rasmlar shular jumlasidan sanaladi.
Graffitlar (italyancha graffito) imoratlarning devorlari va idishlar sirtiga chizilgan yozuvlar, naqsh va suratlar. Graffitlar qadimiy odamlarning kasbi, qiziqishlari, san’ati, turmushi xususiyatlari to‘g‘risidagi muhim ma’lumotlarni saqlab qolgan.