TOShKENT, 13-may — Sputnik. Navoiy viloyati Zarafshon shahrida kuchli yog‘ingarchilik sababli sel keldi. Bu haqda Favqulodda vaziyatlar vazirligi xabar qildi.
Qayd etilishicha, sel 13-may kuni taxminan soat 02:30dan 04:30 gacha bo‘lgan vaqt oralig‘ida kelgan. Dastlabki ma’lumotlarga ko‘ra, sel oqibatida 4 xonadon qisman zarar ko‘rgan.
Vaziyat yuzasidan Navoiy viloyati Favqulodda vaziyatlar boshqarmasining 9 ta texnikasi va 70 nafar shaxsiy tarkibi zudlik bilan voqea joyiga yetib borib, 300 nafar fuqaroni xavfsiz hududga evakuatsiya qildi.
O‘z vaqtida ko‘rilgan tezkor choralar natijasida fuqarolarning hayoti saqlab qolingan.