TOShKENT, 7-may — Sputnik. Yana 33 kishiga koronavirus tashxisi qo‘yildi. Bu haqda Sog‘liqni saqlash vazirligi xabar qilmoqda.
“2020 yil 7-may soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 2266 nafarni tashkil qilmoqda”, - deyilgan xabarda.
Mamlakat bo‘ylab koronavirus infeksiyasidan 1577 kishi butunlay sog‘ayib ketgan. 10 kishi esa vafot etgan.
So‘nggi ma’lumotlarga ko‘ra, dunyoda 3, 7 milliondan ziyod kishi COVID-19 yuqtirib olgan. Shulardan 1,2 milliondan ziyod tuzalib ketgan. 264 mingga yaqin o‘lim holati qayd etilgan.
Markaziy Osiyo davlatlarida koronavirus bilan bog‘liq Qozog‘istonda 4 422, Qirg‘izistonda 871, Tojikistonda esa 379 ta holat aniqlangan. Rasmiy ma’lumotlarga ko‘ra, Turkmaniston mintaqadagi ushbu kasallikdan xoli yagona davlat bo‘lib qolmoqda.