TOShKENT, 5-may — Sputnik. 2020-yil 2-may kuni “O‘zbekiston MET” AJ va “Barqi Toҷik” kompaniyasi o‘rtasida joriy yilning may-sentabr oylari uchun shartnoma imzolandi.
“O‘zbekiston MET” matbuot xizmati xabariga ko‘ra, shartnoma respublikada energetika va suv resurslari muvozanatini saqlash hamda iste’molchilarini elektr energiyasi bilan ta’minlanish maqsadida imzolangan.
Ta’kidlanishicha, hozirda import amaliyoti ikkita 220 kVli yuqori kuchlanishli havo tarmoqlari orqali amalga oshirilmoqda.
Shartnomaga asosan yoz oylarida elektr energiyasi va suv resurslariga ehtiyoj ortadigan davr uchun import hajmlarini 500 kVli tarmoqlar orqali ko‘paytirish ham nazarda tutilgan.