TOShKENT, 24 apr - Sputnik. O‘zbekiston Inqirozga qarshi kurash jamg‘armasi mablag‘lari qaysi sohalarga xarajat qilingani haqida Moliya vazirligining hisoboti e’lon qilindi.
Unda aytilishiga ko‘ra, Jamg‘arma xarajatlarining eng katta qismi - 901 milliard so‘m - Energetika sektori uchun ajratilgan. Xususan, Issiqlik elektr stansiyalarini qo‘llab-quvvatlash uchun - 500 mlrd. so‘m, "O‘zbekneftgaz" AJ uchun - 401 mlrd so‘m.
Sanitar-epidemiologik barqarorlik agentligiga - 425 mlrd. so‘m.
- 270 mlrd. So‘m - Test-tizimlari, kimoviy reagentlar va himoya vositalari xarid qilish uchun;
- 131 mlrd – hududiy markazlar faoliyati uchun;
- 11 mlrd. So‘m - maxsus avtotransport xarid qilishga;
- 10 mlrd – xodimlarga qo‘shimcha maosh uchun;
- 3 mlrd so‘m – karantindagi fuqarolarga dori-darmon sotib olib berish uchun.
Karantin majmualari qurilishiga - 411 mlrd. so‘m
- 286 mlrd - Toshkent viloyatida 10 ming o‘rinli virusologiya majmuasi qurilishiga;
- 111 mlrd – 20 ming o‘rinli karantin turar joylar qurilishiga (konteyner);
- 10 mlrd – diagnosti majmualarini qayta jihozlash uchun;
- 4 mlrd – tibbiyot vositalari va dezinfeksiya uchun;
Ijtimoiy sohaga 147 mlrd so‘m ajratilgan
60 mlrd. so‘m – O‘zbekiston profsoyuzlar federatsiyasiga (kam ta’minlangan oilalarda ayollarga yordam uchun);
50 mlrd. so‘m – jamoat ishlari fondiga;
26 mlrd. so‘m – ijtimoiy to‘lovlar;
11 mlrd. so‘m – Toshkent metropoliteni xodimlari maoshi.
Undan tashqari 60 mlrd so‘m - suv ta’minoti va oqava tizimi faoliyati uchun ajratilgani Moliya vazirligi tomonidan alohida qayd etilgan edi.