TOShKENT, 10 apr - Sputnik. Samarqanddagi karantin ostiga olingan obyektdan 1057 nafar o‘zbekistonliklar o‘z uylariga kuzatildi, deb xabar qilmoqda Markaziy harbiy okrug matbuot xizmati.
Ushbu fuqarolar Qozog‘istondan poyezd bilan olib kelinib 14 kun davomida karantinda saqlangan. ushbu vaqt davomida ularda kasallik alomatlari aniqlanmagan. Fuqarolardan 72 nafari samarqandlik qolganlari boshqa viloyatlardan bo‘lgan. Ular maxsus poyezd va avtobuslarda o‘z uylariga kuzatib qo‘yilgan.
Karantin o‘tash davrida ularning xavfsizligini ta’minlashda Markaziy harbiy okrug bo‘linmalari hamda Qurolli Kuchlar Kichik mutaxassislarni tayyorlash markazi harbiy xizmatchilari jalb qilingan edi, deyilgan xabarda.