TOShKENT, 7 apr — Sputnik. O‘zbekistonda yana 15 kishiga koronavirus tashxisi qo‘yildi. Bu haqda Sog‘liqni saqlash vazirligi xabar qilmoqda.
“2020 yil 7-aprel soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 472 nafarni tashkil qilmoqda”, - deyilgan xabarda.
Avvalroq viloyatlarda koronavirus bilan kasallanganlar soni ma’lum qilingani xabar qilingan edi.
Qayd etish joizki, O‘zbekistonda ushbu kasallikni 30 nafar bemor muvaffaqiyatli yengishga erishgan. Ikki kishi esa virus qurboniga aylangan. Bundan tashqari, AQShda COVID-19 dan uch nafar o‘zbekistonlik vafot etgan.