TOShKENT, 5 apr — Sputnik. Toshkent va Nukus shaharlari hamda viloyat markazlarida 2020-yil 6-apreldan mototransport (skuter) hamda velosipedda harakatlanish karantin davrida vaqtincha cheklanadi.
Koronavirusga qarshi kurashish respublika komissiyasi qaroriga muvofiq, bunda faqatgina hayotiy zarur ehtiyojlar – oziq-ovqat, dori-darmon, tibbiy buyum va vositalar xarid qilish, shifokor ko‘rigiga murojaat etish, shuningdek, ish joyiga borish va kelish uchun ruxsat etiladi.
Ta’kidlanishicha, avtotransport vositasini maxsus ruxsatnomasiz boshqarganlik uchun transport vositasini jarima maydonchasiga joylashtirish yo‘li bilan ushlab turiladi.