TOShKENT, 27 mar - Sputnik. O‘zbekistonda koronavirus infeksiyasi bilan kasallanganlar soni 5 taga oshib, 88 nafarni tashkil etmoqda.
Ushbu infeksiyani yuqtirib olganlarning 2 nafari Farg‘ona viloyatida, yana 2 nafari Xorazmda va bir nafari Toshkent shahrida qayd qilingani tasdiqlandi, deb xabar qiladi Sog‘liqni saqlash vazirligi.
Butunjahon sog‘liqni saqlash tashkiloti 11-mart kuni yangi turdagi koronavirus - COVID-19 tarqalishini pandemiya, deb e’lon qilgan edi. BSST so‘nggi ma’lumotlariga ko‘ra, dunyoda virusni yuqtirganlar soni 465 ming nafarga yetdi, 21 mingdan ziyodi vafot etdi.