TOShKENT, 12 mar - Sputnik. Amerikalik aktor Tom Xenks va uning rafiqasi Rita Uilson koronavirus yuqtirib olishdi. Bu haqda u Twitter᾽dagi sahifasida ma’lum qildi.
“Salom, do‘stlar. Rita va men hozir Avstraliyadamiz. Biz biroz charchoq, shamollashni his qildik va tanamizda og‘riq paydo bo‘ldi. Rita vaqti-vaqti bilan titrab turdi. Hamma narsani to‘g‘ri qilish uchun, hozir zarur bo‘lganidek, biz ham koronavirusga tahlil topshirdik va natijasi ijobiy chiqdi”, - deb yozgan aktor.
Tom Xenks o‘zining “Katta”, “Forrest Gamp”, “Oddiy askar Rayanni qutqarish”, “Yolg‘iz”, “Gudzondagi mo‘’jiza” va boshqa ko‘plab filmlardagi rollari bilan muxlislar qalbini zabt etgan. 2016-yilda AQSh prezidenti Barak Obama Xenksga prezidentning “Ozodlik” medalini topshirgan.
Eslatib o‘tamiz, kecha Jahon sog‘liqni saqlash tashkiloti (JSST) Covid-19 koronavirusining tarqalishini pandemiya deb tan oldi.
Pnevmoniya bilan kasallanganlar soni 123 ming kishidan oshdi. Vafot etganlar soni - 4620, davolanganlar - 67 mingdan ortiq.
Kasallanganlar soniga ko‘ra Xitoy birinchi o‘rinda, undan keyin Janubiy Koreya, Italiya va Eron.
Epidemiya 110 dan ziyod mamlakatda tarqaldi.