TOShKENT, 12 mar – Sputnik. Aralash yakkakurash bo‘yicha rossiyalik jangchi Habib Nurmagomedovning murabbiyi Xaver Mendes antiqa hazil uyushtirdi.
Bu haqdagi videorolik Mendesning Instagram’dagi sahifasida joylashtirilgan.
Murabbiy UFC chempioniga intervyudan oldin "eng yaxshi sport kiyimi bor" deya, karton qutini tekshirib ko‘rishini aytadi.
Sportchi qutiga yaqinlashganida, uning ichida kutilmaganda ayol sakrab chiqadi va jangchini qo‘rqitib yuboradi.
Nurmagomedov hazilni to‘g‘ri qabul qildi. Chempion o‘z navbatida qutida it yashiringan deb o‘ylaganini aytadi.