TOShKENT, 2 mar - Sputnik. Rossiyaning Sankt-Peterburg vaksinalar va zardoblar ilmiy-tadqiqot instituti joriy yilning uchinchi choragida koronavirus infeksiyasiga qarshi vaksina yaratmoqchi, deya xabar beradi RIA Novosti.
To‘rtinchi chorakda uni hayvonlarda sinab ko‘rish rejalashtirilmoqda, deya qo‘shimcha qildi institut mutaxassisi.
Avvalroq Sankt-Peterburgdagi Rossiyaning FMBA vaksinalar va zardoblar ilmiy-tadqiqot instituti yangi koronavirusga qarshi vaksina ustida ish olib borayotgani haqida xabar berilgan edi.
“Prototip 2020-yilning uchinchi choragida kutilmoqda, to‘rtinchi chorakda hayvonlarda klinikoldi tadqiqotlarini boshlash rejalashtirilmoqda”, - dedi institut mutaxassislaridan biri axborot agentligiga.
Uning qo‘shimcha qilishicha, koronavirus deyarli mutatsiyaga uchramayotganligi sababli Sankt-Peterburg ilmiy-tadqiqot instituti tomonidan yaratilgan vaksina ro‘yxatga olingan vaqtga qadar o‘z ta’sirini yo‘qotmagan bo‘ladi.