TOShKENT, 26 fev - Sputnik. Rossiya AQSh tomonidan chet ellik diplomatlarga vizalarini muntazam ravishda bermaslik bilan bog‘liq vaziyatni hal qilish uchun BMT arbitraj jarayonini talab qildi. Bu haqda RIA Novosti o‘z manbasiga tayangan holda xabar qildi.
25 fevral kuni tashkilot mezbon mamlakat bilan aloqalar bo‘yicha qo‘mitaning yig‘ilishini o‘tkazildi, unda Rossiya tomoni yana shu mavzuni ko‘tardi.
“Rossiya va BMTga a’zo boshqa davlatlar nafaqat masalani arbitrajga topshirishni, balki vaziyatni to‘g‘irlash uchun uning faoliyatini boshlashni ham talab qilishdi”, - degan agentlik suhbatdoshi.
BMT vakili ushbu ma’lumotni bosh kotib Antonio Guterreshga yetkazishga va’da berdi.
Manbaga ko‘ra, Rossiya pozitsiyasini Xitoy, Eron, Suriya, Kuba, Belorussiya, Nikaragua qo‘llab-quvvatlaganlar. “Biz Bosh kotib tegishli qaror qabul qilishiga va arbitraj jarayonini boshlashiga umid qilamiz”, - deya qo‘shimcha qilgan suhbatdosh.
Viza berilishidagi muammolar
Dekabr oyida BMT Bosh assambleyasi BMT tadbirlarida qatnashish uchun kelayotgan delegatlarga kirish vizalarini operativ tarzda berishga chaqiruvchi rezolyutsiya qabul qildi. Hujjatda ta’kidlanishicha, agar vizalarni berish bilan bog‘liq muammolar oqilona va cheklangan vaqt ichida hal etilmasa, “Markaziy idoralar bo‘yicha Kelishuvning 21-qismida ko‘zda tutilgan choralarni ko‘rish imkoniyati jiddiy ko‘rib chiqiladi”. Bunda BMT va AQSh o‘rtasidagi nizolarni hal qilish arbitraj orqali amalga oshirilishi nazarda tutilgan.
Qrim va Donbassdagi vaziyat tufayli ikki tomonlama munosabatlar keskin yomonlashgandan so‘ng rossiyaliklarga AQShda bo‘lib o‘tadigan xalqaro tadbirlarda ishtirok etish uchun vizalar berish muammosi 2014-yildan boshlab muntazam ravishda paydo bo‘la boshladi. 2015-yilda AQSh Rossiya Federatsiya Kengashi spikeri Valentina Matviyenkoga cheklovli viza berdi, shu sababli u Parlamentlararo ittifoqqa a’zo bo‘lgan mamlakatlar parlamentlari rahbarlarining Butunjahon konferensiyasida ishtirok etishni bekor qildi.
2017 yilda AQShdagi elchixona, bosh konsullik va BMTning doimiy vakolatxonasiga yuborilayotgan rossiyalik diplomatlar muammolarga duch kelishdi. Keyin “hujum ostida” Rossiyaning Nyu-Yorkdagi BMT Kotibiyatiga yuborilayotgan vakillari qoldi. 2019-yilda BMT Bosh Assambleyasining yalpi yig‘ilishlarida va uning alohida qo‘mitalarining ishlarida qatnashishi kerak bo‘lganlarning ko‘plariga kirishga rad etildi.