TOShKENT, 14 fev – Sputnik. Shotlandiya qirg‘oqlari yaqinida sirli mavjudotning qoldiqlari topildi.
Mahalliy aholi internetda bu topilmani qizqin muhokama qilmoqda. Ular “Kiara” dovuli skeletni sohilga olib chiqqan deb ta’kidlashmoqda.
Shu bilan birga, foydalanuvchilar topilma kelib chiqishi haqida bahslasha boshladilar. Ularning ba’zilari, bu Lox-Ness yirtqich maxluq qoldiqlari ekanligini aytishmoqda. Ular fikriga ko‘ra, maxluq dengizga suzib ketgan, biroq suvda yashay olmagan.
Biroq, boshqalar esa bu skelet kit yoki kosatkaga tegishli deb da’vo qilishmoqda.
Lox-Ness yirtqich maxluq birinchi marta VI asrdagi Shotlandiya rohibining qo‘lozmasida tilga olingan. Zamonaviy davrda Nessi - tanasi katta va uzun bo‘yinli jonzot dunyodagi eng ko‘p muhokama qilinadigan hodisalardan biriga aylandi.
Biroq bu jonivorning yashagani haqida ilmiy hujjat bilan tasdiqlanmagan.