TOShKENT, 1 fev — Sputnik. Joriy yil 1-fevral kunidan e’tiboran kunlik charter aviaparvozlar Madinai Munavvara xalqaro aeroportiga to‘g‘ridan to‘g‘ri amalga oshiriladi. Bu haqda Din ishlari qo‘mitasi axborot xizmati ma’lum qilmoqda.
Qayd etilishicha, joriy yilning 1-fevral kuni birinchi charter aviareys Toshkent-Madina yo‘nalishida to‘g‘ridan-to‘g‘ri Madina shahriga uchib ketdi. Samolyotdan 245 nafar ziyoratchi o‘rin olgan.
“Umra safariga borishni xohlovchilar o‘zlarining doimiy turar joyidagi mahalla idorasi, mahalliy hokimliklar hamda O‘zbekiston musulmonlari idorasining joylardagi vakilliklariga murojaat qilishlari mumkin”, - deyiladi qo‘mita xabarida.