TOShKENT, 13 yanv — Sputnik. Xivada “Iphone SE” rusumli telefonini yo‘qotib qo‘ygan Chexiya fuqarosi Harris Eliskaga yordam ko‘rsatildi.
Ichki ishlar vazirligi matbuot xizmati xabariga ko‘ra, 12-yanvar kuni sayohat uchun Xiva shahriga kelgan chet el fuqarosi Xorazm viloyati Xavfsiz turizmni ta’minlash boshqarmasi xodimlariga murojaat qilib, “Iphone SE” rusumli telefonini qaysidir manzilda unutib qoldirilganini bildirgan.
Ta’kidlanishicha, surishtiruv ishlari natijasida unutib qoldirilgan telefon topilgan va u Harris Eliskaga qaytarib berilgan.
Chet ellik sayyoh Xavfsiz turizmni ta’minlash boshqarmasi xodimlarining sa’y-harakatlarini yuqori baholab, ularga o‘z minnatdorchiligini bildirgan.
Eslatib o‘tamiz, avvalroq Toshkentda turistik politsiya mamlakatga tijorat qilish maqsadida kelgan chet el fuqarosining mehmonxonada yuzaga kelgan muammosini hal qilib bergani xabar qilingan edi.