TOShKENT, 3 yanv - Sputnik. Moskvada patent narxi oshdi.
2020 yilda Moskvada mehnat migrantlarining qonuniy ishlashi uchun huquq beruvchi patent 7 foizga qimmatlashdi. Patent narxi 2018-yilda 4500 rubl, 2019-yilda 5000 rubl bo‘lgan. Endilikda patentning oylik to‘lovi 5350 rublni tashkil qiladi.
Ukraina, Moldova, Ozarbayjon, Tojikiston va O‘zbekiston fuqarolari 2015-yildan buyon Moskvada ishlash uchun patent oladi.
Moskva iqtisodiy siyosat va rivojlanish departamentining dastlabki hisob-kitoblariga ko‘ra, 2019-yilda chet ellik ishchilarga patent berishdan tushgan budjet daromadi 18 mlrd rublni tashkil etgan.
Eslatib o‘tamiz, avvalroq Moskvada 1-yanvardan patent narxi oshishi haqida xabar bergan edik.