TOShKENT, 3 yanv - Sputnik. Toshkent viloyatining Chinoz tumanida 8-sinf o‘quvchisi qo‘lbola portlovchi modda qurboni bo‘ldi.
IIB huzuridagi Tergov departamenti xabariga ko‘ra, 2020-yil 01-yanvar kuni taxminan soat 16:30 larda fuqarolar 20 yoshli X.E., S.A. va B.M.lar Sarbozor ko‘chasida 60 sm uzunlikdagi temir quvur ichiga qo‘lbola usulda magma va oltingugurt aralashmasini joylashtirishgan. Keyin uni yoqishgan vaqtlarida u 8-sinf maktab o‘quvchisi S.G‘.ga borib tekkan. Uning oqibatida tan jarohati olgan S.G‘. tuman tibbiyot birlashmasiga yotqizilgan. Ammo unga ko‘rsatilgan tibbiy muolajalarga qaramasdan shifoxonada vafot etgan.
Mazkur holat yuzasidan O‘zbekiston Jinoyat kodeksining 2501–moddasi 3-qismi “v” bandi (odam o‘lishiga sabab bo‘lgan pirotexnika buyumlarining qonunga xilof muomalasi) bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.