TOShKENT, 31 dek — Sputnik. Alisher Babayev O‘zbekiston Respublikasining Sankt-Peterburg shahridagi Bosh konsuli etib tayinlandi, deb xabar qildi TIV matbuot xizmati.
Eslatib o‘tamiz, 2018-yil mart oyida Sankt-Peterburgdagi O‘zbekiston Bosh konsulxonasi o‘z ish faoliyatini boshlagan. Konsulxonaning asosiy vazifasi Rossiyaning Shimoli-g‘arbiy federal okrugi hududida yashayotgan o‘zbekistonliklarga yordam berishdan iborat.
O‘zbekistonning Sankt-Peterburgdagi Bosh konsulxonasi 4-Krasnoarmeyskaya ko‘chasi, 4-A uyda joylashgan. Eng yaqin metro stansiyasi — "Texnologicheskiy institut".