TOShKENT, 17 dek — Sputnik. “O‘zbekiston temir yo‘llari” 2019-yil oxiri va 2020-yil boshlarida Moskva va Ufaga yangi qatnovni yo‘lga qo‘yadi. Bu haqda kompaniya matbuot xizmati xabar qildi.
“Joriy yilning 13-dekabridan boshlab №350/349-sonli poyezd Termiz – Moskva – Termiz yo‘nalishi bo‘yicha qatnay boshladi. Shuningdek, tarmoq temir yo‘l jadvalidagi yangi yo‘nalishlardan - 2020-yil fevral oyidan boshlab Andijon – Ufa – Andijon yo‘nalishidagi (№371/372-sonli) poyezd qatnovi boshlanadi”, - deyiladi xabarda.
Ta’kidlanishicha, davlatlararo poyezdlarning yo‘lovchilari uchun maxsus chegirmalar mavjud. Xususan, oldindan sotib olish muddatiga ko‘ra chipta tarifining 55 foizgacha chegirma mavjud.