TOShKENT, 12 dek – Sputnik. Xotin qizlar qo‘mitasi O‘zbekistonda alohida e’tibor bilan nishonlanadigan sanalar qatoriga otalar kunini kiritish kerakligini taklif qilmoqda. Bu haqda O‘zbekiston Xotin-qizlar qo‘mitasining axborot xizmati xabarida keltirilgan.
“Bizga balki “Otalar kuni” kerakdir. Chunki belgili sanalar odamga insonni qadrlashni o‘rgatadi, butun xalqning ongi va ruhiyatiga belgili kunga amal qilishni, shu sanani ma’rifiy odat tarziga aylantirishni singdiradi”, deyiladi xabarda.
Qo‘mita shuningdek, bugungi globalizatsiya davrida “ota” degan ulug‘ nom qadrsizlanib borayotganligiga ishora qilib, farzand tarbiyasida otaning roli kamayib ketgani, oilada ota maqomini tiklash kerakligi, erkak pedagoglar o‘quv dargohlarida kamligi bois otalarcha tarbiya usullari qo‘llanilmayotganiga to‘xtalgan.