TOShKENT, 8 dek — Sputnik. Namangan va Farg‘ona shaharlaridagi aeroportlar havo kemalarini qabul qilmaydi. “Uzbekistan Airways” aviakompaniyasining bir nechta qatnovlari manzilga kechroq yetib borishadi.
Aviakompaniya matbuot xizmatining xabar qilishicha, bunga tuman va ko‘rish darajasining yomonligi sabab bo‘lgan.
HY-620 qatnovi (Moskva – Namangan): havo kemasi komandiri samolyotni Toshkent shahri aeroportida qo‘ndirishga qaror qilgan.
HY-619 qatnovining (Namangan - Moskva) uchishi ham kechikadi.
Shuningdek, HY-606 (Moskva - Samarqand) HY-42(Samarqand - Toshkent) qatnovlari ham manzilga mo‘ljallangan vaqtdan kechroq yetib borishadi.