TOShKENT, 4 dek - Sputnik. Turfirma tomonidan Umra ziyoratiga jo‘natilgan o‘zbekistonlik ziyoratchilarning vizasi qalbaki bo‘lib chiqdi, deb xabar qilmoqda O‘zbekiston Din ishlari bo‘yicha qo‘mitasi.
Xabarda aytilishiga ko‘ra, 26-noyabr kuni O‘zbekistondan Jiddaga yetib borgan 14 nafar ziyoratchilarning sayyohlik vizasi Saudiya Arabistoni chegara xizmati tomonidan qalbaki deb topilgan. Ziyoratchilar aeroporta to‘xtatib qolingan va qaytib O‘zbekistonga deport qilingan.
Ular 27-noyabr kuni O‘zbekiston Havo yo‘llari samolyotida Toshkentga qaytib kelishgan.Malum bo‘lishicha ushbu ziyoratchilarning hujjatlari Andijonda joylashgan turistik firma tomonidan tayyorlangan bo‘lgan.
Ushbu holatdan xulosa qilgan holda, Din ishlari bo‘yicha qo‘mita barcha ziyoratchilardan faqat rasmiy, xavfsiz va ishonchli “Umra ziyorati”dan foydalanishni tavsiya etgan.