TOShKENT, 29 noya – Sputnik. Qozog‘iston birinchi prezidenti, Elboshi Nursulton Nazarboyevga Markaziy Osiyo davlatlari rahbarlarining Maslahat uchrashuvi faxriy raisi degan maqom berildi, deb xabar qildi Sputnik O‘zbekiston muxbiri.
Ta’kidlanishicha, bu qaror Markaziy Osiyo davlatlari rahbarlarining Maslahat uchrashuvida qabul qilindi. Shu bilan birga, keyingi Markaziy Osiyo davlatlari rahbarlarining Maslahat uchrashuvi Qirg‘izistonda o‘tkaziladi.
Bugun O‘zbekiston prezidenti Shavkat Mirziyoyev Qozog‘istonning birinchi prezidenti – Elboshi Nursulton Nazarboyev bilan uchrashdi.Uchrashuvda ikki tomonlama munosabatlarga oid, shuningdek, global va mintaqaviy ahamiyatga molik dolzarb masalalar yuzasidan fikr almashildi.
Eslatib o‘tamiz, shu yilning may oyida Qozog‘istonning birinchi prezidenti Nursulton Nazarboyevga umrbod Turkiy tilli davlatlar hamkorlik kengashi faxriy raisi maqomi berilgandi.