TOShKENT, 28 noya — Sputnik. O‘zbekiston ayollar olimpiya terma jamoasi “CAFA U-23 Women’s Championship-2019” g‘olibligini qo‘lga kiritdi.
Bugun “CAFA U-23 Women’s Championship-2019” musobaqasi Dushanbeda o‘z nihoyasiga yetdi.
Unda muddatidan avval chempionlik masalasini hal qilgan O‘zbekiston ayollar olimpiya terma jamoasi bugun oxirgi o‘yinini Tojikistonga qarshi o‘tkazdi.
Qiziqarli tarzda kechgan bahsda o‘zbekistonlik futbolchi qizlar raqibalari darvozasiga javobsiz 3 ta gol kiritishga muvaffaq bo‘lishdi.
Dildora Nozimova, Umida Zoirova va Nilufar Qudratovalar gollar muallifiga aylanishdi.