TOShKENT, 26 noya — Sputnik. Rossiya prezidenti Vladimir Putin ukraninalik hamkasbi Vladimir Zelenskiy bilan telefon orqali muloqot qildi. Bu haqda Kreml matbuot xizmati xabar qildi.
Ta’kidlanishicha, suhbat Kiyev tashabbusi bilan 9-dekabrda Parijda bo‘lib o‘tishi rejalashtirilgan “normand shaklidagi” uchrashuv arafasida bo‘lib o‘tgan.
Xabarda yozilishicha, ikki davlat rahbarlari 2018-yil noyabrda Rossiya chegarasini buzgan Ukrainaning uchta harbiy kemasini qaytarib berilishi mavzusini muhokama qilishgan.
O‘z navbatida, Zelenskiyning ofisi Facebook᾽da Ukraina yetakchisi Kiyevga qaytarilgan kemalardagi hujjatlar va jihozlarni qaytarishni iltimos qilganini ma’lum qildi.
Bundan tashqari, suhbatda Rossiya gazini Ukrainaga to‘g‘ridan-to‘g‘ri yetkazib berishni davom ettirish va qayta tiklash masalalari muhokama qilingan.
Xabarda prezidentlar turli darajadagi aloqalarni davom ettirishga kelishib olganlari qo‘shimcha qilingan.
Eslatib o‘tamiz, “normand shaklidagi” sammit 9-dekabr kuni Parijda bo‘lib o‘tadi. Ukraina bo‘yicha “normand shaklidagi” muzokaralar 2014-yil iyun oyidan buyon mavjud. Sammitda Donbassdagi vaziyatni barqarorlashtirish masalasi muhokama qilinadi.