TOShKENT, 21 noya — Sputnik. “Shimoliy oqim – 2” gaz quvuri 2020-yilning o‘rtasida ishga tushadi, dedi jurnalistlarga Rossiya bosh vaziri o‘rinbosari Dmitriy Kozak, RIA Novosti xabariga asosan.
Xabarda kelgusi yilning aynan qaysi oyida ishga tushishi borasida aniqlik kirtilmagan.
Biroz oldin Rossiya energetika vaziri Aleksandr Novak yangi gaz quvuridan gaz yetkazib berish qachon boshlanishi, nafaqat gaz quvurining qurib bitkarilishi balkim undan keyingi ishga tushirish va sinov texnik jarayonlariga ko‘proq ham bog‘liq ekanligini aytib o‘tgandi.
Eslatib o‘tamiz, “Shimoliy oqim – 2”, Rossiyadan Germaniyagacha Boltiq dengiz oqali 2ta gaz quvuri qurishni nazarda tutgan. Quvurlarning umumiy quvvati 55 milliard metr kub. Gaz quvuri Finlandiya, Shvetsiya, Daniya va Germaniya suv chegaralari orqali o‘tadi.
Oktabr oyining boshida “Gazprom” “Shimoliy oqim-2” 80 %ga qurib bitkazilganini xabar qilgan edi. Daniya o‘z hududida qurilishga ruxsat berishi kechikkani tufayli gaz quvurini qurish bir oy orqaga surildi. “Gazprom” xabariga ko‘ra, Daniya hududidan o‘tgan qismini yakunlash uchun 5 hafta kerak bo‘ladi xolos.