TOShKENT, 19 noya — Sputnik. “Titan Travel” O‘zbekistonni 2020-yilda sayohat qilish uchun eng jozibali mamlakatlar ro‘yxatiga qo‘shdi.
Turizmni rivojlantirish davlat qo‘mitasi xabariga ko‘ra, O‘zbekiston Borneo va Kosta-Rika bilan bir qatorda 2020-yilda sayohat qilish uchun eng jozibali va ekzotik yo‘nalishlardan biri sifatida tan olindi.
“Titan Travel” boshqaruvchi direktori Endi Skvirellning ma’lum qilishicha, reytingni tuzish davomida alohida mamlakatning turizm salohiyati o‘sayotgani kuzatilgan va O‘zbekiston Top-20 ro‘yxatiga kiritilgan.
Ta’kidlanishicha, reyting mehmonxonalarni band qilish, ekspertlar hamda sayohatchi-jurnalistlar fikri asosida tayyorlangan.