TOShKENT, 14 noya – Sputnik. Amerikalik bokschi Roy Jons Otabek Umarovni O‘zbekiston MMA Assotsiatsiyasi rahbari etib saylangani bilan tabrikladi. Bu haqda sportchining Instagram sahifasidagi videodan ma’lum bo‘ldi.
“Otabek, ukam, saylanganing bilan tabriklayman va taklif uchun rahmat. Bunday voqeaning bir qismi bo‘lishdan baxtiyor bo‘laman!”, - degan Roy Jons.
Eslatib o‘tamiz, avvalroq amerikalik taniqli aktor va yakkakurash ustasi Stiven Sigal ham Otabek Umarovni tabriklagan edi. O‘zbekistonda ilk bor yangi aralash jang san’ati assotsiatsiyasi tashkil qilindi. Unga prezidentning kenja kuyovi rahbar etib saylandi.