TOShKENT, 30 okt — Sputnik. Rossiya bosh vaziri Dmitriy Medvedev chet elliklarning migratsiya sohasidagi davlat xizmatlarini olish uchun ariza berishlarini osonlashtirish to‘g‘risida topshiriq berdi. Bu haqda Rossiya Vazirlar mahkamasi saytida xabar qilindi.
Rossiya Ichki ishlar vazirligi Raqamli rivojlanish, aloqa va ommaviy kommunikatsiyalar vazirligi bilan birgalikda chet el fuqarolarining migratsiya sohasidagi davlat xizmatlarini olish uchun arizani elektron shaklda topshirishlarini ta’minlashi shart.
Agar ushbu topshiriq o‘z vaqtida bajarilsa, 2023-yil 1-dekabridan migrantlar o‘z arizalarini onlayn ravishda topshirish imkoniga ega bo‘lishadi.
Moskvada patent narxi ko‘tarilishi kutilmoqda
Eslatib o‘tamiz, avvalroq O‘zbekistonda tashqi migratsiya to‘g‘risida qonun qabul qilinishi mumkinligi haqida xabar qilingan edik. Ushbu taklif O‘zbekiston "Milliy tiklanish" demokratik partiyasi tomonidan bildirilgan.