TOShKENT, 30 okt – Sputnik. O‘zbekistonda regbi sport turini rivojlantirish chora-tadbirlari to‘g‘risidagi Prezident qarori qabul qilindi.
Qarorga muvofiq, har bir ixtisoslashtirilgan olimpiya zaxiralari maktab-internatlarida regbi seksiyalari ochiladi.
Shuningdek, Respublika bo‘yicha 4 bosqichli sport musobaqalari tashkil etiladi. Dastlab sport klub va seksiyalar orasida, keyin tuman va shahar, undan so‘ng – viloyat va respublika darjasida musobaqalar o‘tkaziladi.
O‘zbekiston regbi federatsiyasi, va professional regbi klublari regbi sport uskunalari, inventar va maxsus professional sport anjomlarini olib kirganlik uchun 2023 yil 1-yanvarga qadar bojxona to‘lovlaridan ozod etiladi.
2020/2021 o‘quv yilidan O‘zbekiston davlat jismoniy tarbiya va sport universitetida hamda O‘zbekiston Milliy universitetida regbi bo‘yicha mutaxassislarni tayyorlovchi yo‘nalishlar ochiladi.