TOShKENT, 24 okt — Sputnik. Angliya sharqida yuk mashinasidan topilgan 39 jasad Xitoy fuqarolariniki, deb xabar qilmoqda Sky News o‘z manbalariga tayangan holda.
Hozircha ushbu xabar rasman tasdiqlanmagan.
Kuni kecha Buyuk Britaniyaning Esseks grafligi hududida ichida 39 kishining jasadi bo‘lgan yuk mashinasi topilgan edi. Dastlabki ma’lumotlarga qaraganda, yuk mashinasi Buyuk Britaniyaga Bolgariyadan kelgan.
Bolgariya TIV RIA Novostiga mashina Bolgariyada ro‘yxatga olinganini tasdiqlagan.
Aniqlanishicha, yuk mashinasi haydovchisi - 25 yoshli shimoliy irlandiyalik. U qotillikda gumonlanib hibsga olingan. Buyuk Britaniya IIV rahbari Priti Patel fojiali hodisadan shok holatiga tushganini ma’lum qilgan.