TOShKENT, 23 okt – Sputnik. Rossiya Federatsiyasi prezidenti Vladimir Putinning 20-yil oldin Sankt-Peterburg shahar hokimiyatining tashqi aloqalar bo‘yicha qo‘mita raisi sifatida ishlagan paytida tashrif qog‘ozi maxsus internet-resursda 2 million rublga sotuvga qo‘yildi. RIA Novosti xabariga asosan.
"Vladimir Putin – chairman. City of St.-Petersburg. Office of the Mayor. External Affairs committee", - deb yozilgan vizitkada.
“Vladimir Putin vizitkasi, otam qo‘mita raisi bo‘lgan vaqtda berilgan. Bu vizitka karta qutichasida 20-yildan ortiq vaqt saqlandi. Sifati yaxshi”, - deb yozilgan e’londa.
Foydalanuvchilar e’lonni besh mingdan ortiq marta ko‘rib chiqishdi.
Eslatib o‘tamiz, o‘tgan yili Rossiya prezidenti Vladimir Putin tomonidan taqdim etilgan soat O‘zbekistondagi xususiy e’lonlar saytlaridan birida sotuvga qo‘yilgandi. E’lon muallifi mukofot soati uchun 300 dollar so‘ragan.