TOShKENT, 22 okt – Sputnik. Rossiya havo-kosmik kuchlari vertolotlari Suriyaning shimolida avval AQSh harbiy bazasi joylashgan aerodromga qo‘ndi, deb xabar beradi RIA Novosti.
Vertolotlar Rakka viloyatidagi Tabka aerodromiga qo‘ndi. Hozirda harbiy obyekt Damashq tomonidan nazorat qilinadi.
Suriyalik zobitning so‘zlariga ko‘ra, 2014-yilda ushbu hudud "Islom davlat" terrorchilik uyushmasi (Rossiya hududida taqiqlangan ID yoki IShID) jangarilari tomonidan bosib olingan, uch yildan so‘ng aerodrom muxolifatdagi Suriya Demokratik Kuchlari nazorati ostida bo‘lgan, keyinchalik shu yerda AQSh bazasi joylashtirilgan.
9 oktabrdan beri Turkiya Suriyaning shimoli-sharqida kurd bo‘linmalariga qarshi “Tinchlik bulog‘i” amaliyotini olib bormoqda. Bundan oldin AQSh prezidenti Donald Tramp AQSh qo‘shinlari hududdan olib chiqilishini e’lon qilgandi.
Kurdlar va Damashq turklarga qarama-qarshilik to‘g‘risida kelishuvga erishdilar, Suriya armiyasi oldinroq kurdlar nazoratida bo‘lgan bir qancha shaharlarni egallab oldi, shu jumladan, Rakkaga besh yil ichida birinchi marta kirdi.