TOShKENT, 11 okt - Sputnik. O‘zbekistonlik Jasur Jaloliddinov 2002-yilda tug‘ilgan dunyodagi eng kelajagi porloq iqtidorli yosh futbolchilar ro‘yxatiga kiritildi. Reyting The Guardian nashri tomonidan tuzilgan.
Jasur Jaloliddinov “Bunyodkor” klubida yarim himoyachi pozitsiyasida to‘p suradi. Nashr Jaloliddinovning uzoq masofadan kuchli zarba bera olishi, maydonni ko‘ra olishi, driblingi hamda uzatmalaridagi aniqlikda iqtidorli ekanini qayd etgan.
Yosh futbolchi O‘zbekiston U-19 terma jamoasida ham to‘p suradi. Kuni kecha Janubiy Koreya U-19 termasi bilan bahsda Jasur Jaloliddinov raqib darvozasini bir marta ishg‘ol etishga muvaffaq bo‘lgan edi.
O‘zbekistonlik “Barselona”ning Anssumane Fati, “Real Madrid”ning Andri Lukas Gudonsen, “Yuventusa”ning Pablo Moreno kabi o‘yinchilari qatoridan o‘rin olgan.
Shuningdek, ro‘yxatga tojikistonlik futbolchi Muhriddin Hasanov ham kiritilgan.