TOShKENT, 11 okt - Sputnik. Rossiya AQShning harakatlariga javoban o‘rta va qisqa masofaga uchuvchi raketa yaratadi. Bu haqda Vladimir Putin MDH Davlat rahbarlari kengashida ma’lum qildi.
“Biz hozir, albatta, ular (o‘rta va qisqa masaofaga uchuvchi raketalar – tahr.) amerikaliklarda paydo bo‘lgan ekan, buning ustida ish olib boramiz”, - dedi Putin.
Putin Vashingtonning Osiyoda raketa o‘rnatish rejasi Moskvani xavotirga solayotganini ta’kidlagan. Ularning asosiy maqsadi kim ekanligi yaqqol ma’lumligini qayd etgan.
Eslatib o‘tamiz, avvalroq Vladimir Putin qator davlatlar, jumladan, NATOga a’zo mamlakatlar rahbarlariga maktub yo‘llab, Yevropa va boshqa mintaqalarga o‘rta va qisqa masofaga uchuvchi raketalar (O‘QMR) joylashtirilishiga moratoriy joriy qilishni taklif qilgani xabar qilingan edi.