TOShKENT, 2 okt - Sputnik. Afg‘onistonning O‘zbekiston chegarasi yaqin tumanida tolibonlar mahalliy politsiya bo‘limiga hujum qilgan. Hujum natijasida o‘ldirilgan va yaralanganlar bor, deb xabar beradi TOLO news telekanali.
Voqea 1-oktabrga o‘tar kechasi Balxning Sho‘rtepa tumanida sodir bo‘ldi. Mahalliy hukumat vakili aytishiga qaraganda, jangarilar hujumi oqibatida o‘ldirilgan va yaralanganlar soni umumiy hisobda 11 kishini tashkil qilgan.
Tolibonlar hujum amalga oshirilganini tan olib, ular tomonidan o‘nlab harbiylar yaralanganligini e’lon qildilar.
Afg‘on politsiyasi matbuot xizmati ma’lumotiga ko‘ra, ayni damda tumanga qo‘shimcha harbiy kuchlar jalb qilingan va hozirda hudud to‘liq nazorat ostiga olingan.