TOShKENT, 3 sen – Sputnik. Toshkent shahrining Yunusobod tumanida yashovchi fuqaro o‘g‘lini qidirmoqda.
IIV xabariga ko‘ra, 2-sentabr kuni B. Ergashev IIBga murojaat qilib, shu kuni soat 14:00larda 26 yoshli o‘g‘li Nodir Ergashev o‘zining davlat raqami 01 A 528 G‘V bo‘lgan “Spark” rusumli avtomashinasida uyidan noma’lum tomonga chiqib ketib bedarak yo‘qolganligini ma’lum qilgan.
Nodir Ergashevni qidirib topish choralari ko‘rilgan. Surishtiruv ishlari olib borilmoqda.
IIV N. Ergashevni va uning boshqaruvidagi avtomashinani ko‘rgan yoki u haqida biror bir ma’lumotga ega bo‘lganlardan ichki ishlar organlarining hududiy bo‘limlariga yoki “102” telefon raqamiga xabar berishini so‘raydi.
Eslatib o‘tamiz, avvalroq Toshkentda “Kaptiva” rusumli avtomashinasida uyidan chiqib ketib, bedarak yo‘qolgan 19 yoshli yigit topilgani xabar qilingan edi.