TOShKENT, 26 avg – Sputnik. Shavkat Mirziyoyev Samarqandda "Sharq taronalari" festivali ochilishi oldidan dunyoning turli mamlakatlaridan kelgan taniqli blogerlar bilan suratga tushdi. Bu haqida Xushnudbek xabar qilmoqda.
“Shavkat Miromonovich bilan tarixiy selfi! O‘zbekiston Prezidenti blogerlar uchun doimo ochiqligining yana bir isboti bu! Bag‘oyatda baxtiyorman!”, - deb yozgan bloger o‘z sahifasida.
Ushbu selfidan bir necha daqiqa oldin ijtimoiy tarmoqlarda Xushnudbek prezidentga O‘zbekistonda blogerlarga yaratilayotgan imkoniyatlar uchun minnatdorlik bildirayotgani aks etgan videolavha paydo bo‘lgan edi.