TOShKENT, 24 avg – Sputnik. O‘zbekistonda alkogol va tamaki ishlab chiqaruvchilarning litsenziya muddati uzaytirildi. Bu haqda Hukumatning tegishli qarori qabul qilindi.
Qarorga ko‘ra, ushbu mahsulotlarni ishlab chiqarish uchun ilgari berilgan litsenziyalar 2020-yil 1-yanvargacha amal qiladi.
Mahsulotlarni ishlab chiqarish bilan faqatgina yuridik shaxslar shug‘ullanishi mumkin.
Mazkur faoliyat bo‘yicha Alkogol va tamaki bozorini tartibga solish inspeksiyasi litsenziyalovchi organ hisoblanadi.
Eslatib o‘tamiz, avvalroq mamlakatda 2019-yil 1-oktabrdan alkogolli mahsulotning aksiz solig‘i stavkasi o‘rta hisobda 10 foizga, tamaki mahsulotining aksiz solig‘i stavkasi 20 foizga oshirilishi xabar qilingan edi.