TOShKENT, 23 avg – Sputnik. Qashqadaryoda 78 yashar buvisiga temir bo‘lagi bilan jarohat yetkazgan nabira qo‘lga olindi.
IIV xabariga ko‘ra, Shahrisabz tumanida yashovchi 31 yoshli A.N. Ammog‘on qishlog‘ida yashovchi buvisi, nafaqaxo‘r, 78 yoshli M.A.ning uyida buvisi bilan janjallashib qolgan. Janjal vaqtida uning boshiga temir bo‘lagi bilan urib, jarohat yetkazgan.
Natijada M.A. kasalxonaga yotqizilgan. Holat yuzasidan jinoyat ishi qo‘zg‘atilib, A.N. ushlangan.
Hozirda tergov harakatlari olib borilmoqda.